لزملائنا المرشدين
المنصة آمنة؟ وبتفيدني بإيه؟
أسئلة كتير بتوصلنا من الزملاء المرشدين عن Guide Me Egypt. جمعنا الإجابات هنا بصراحة، عشان تقرر وانت مطمّن.
١المنصة بتعمل إيه؟
صفحة باسمك
صفحة بالإنجليزي برابط باسمك، فيها صورك ورحلاتك ولغاتك وخبرتك. تشاركها مع زباينك وعلى السوشيال.
المسافر يكلمك مباشرة
زرار واتساب في صفحتك، والمسافر بيتكلم معاك انت على طول من غير وسيط.
دليل المرشدين
المسافرين بيدوروا فيه على مرشد بالمدينة واللغة، وصفحتك بتظهر فيه أول ما تتنشر.
٢مين ورا المنصة؟ وبنكسب منين؟
مين ورا المنصة؟
المنصة من تطوير وتشغيل شركة MF Developers، وهي المسؤولة عنها. مش جهة مجهولة، وتقدر تكلمنا مباشرة على contact@guidemeegypt.com
بنكسب منين؟
التسجيل مجاني ومفيش أي عمولة عليك ولا على تعاملاتك مع المسافر. مستقبلًا هيبقى فيه خدمات اختيارية بس، زي تمييز الصفحات أو الإعلانات، وهنعلن عنها قبلها. ومش هناخد نسبة من أجرك.
علاقتنا بالوزارة والنقابة
المنصة مش تابعة لوزارة السياحة والآثار ولا لنقابة المرشدين، ومش بنتكلم باسمهم. ولو القانون طلب أي ترخيص لطريقة شغلنا أو لخدمة جديدة، هنلتزم بيه قبل ما نقدمها.
٣الأمان وبياناتك
التسجيل مجاني. مش بنطلب فلوس ولا بيانات بنكية ولا صورة بطاقة.
مفيش باسوورد يتسرق. الدخول بكود ٦ أرقام بيوصل إيميلك، وصالح ١٠ دقايق بس.
صفحتك مش بتظهر على الموقع غير بعد ما تكمّلها ونراجعها، ولو عاوز تقفلها بنقفلها فورًا.
الصور بتتراجع قبل ما تظهر، ومكان التصوير (GPS) بيتشال منها أوتوماتيك.
الموقع كله مشفّر (HTTPS) ومستضاف على خوادم Cloudflare العالمية.
مش بنبيع بياناتك لحد، وتقدر تعدّلها أو تطلب مسحها في أي وقت.
٤إيه اللي بيظهر للمسافر؟
بيظهر في صفحتك
- اسمك وصورتك الشخصية
- مدينتك ولغاتك وخبرتك وتخصصاتك
- النبذة اللي كتبتها عن نفسك
- صور جولاتك ورحلاتك (بعد مراجعتها)
- زرار واتساب يكلمك منه
مش بيظهر لحد
- إيميلك
- تفاصيل رخصتك (بتظهر علامة توثيق زرقا بس لو راجعناها)
- حساباتك على السوشيال
- أي صورة أو تعديل لسه مااتراجعش
٥إزاي تنضم؟
- ١
سجّل بياناتك
من الصفحة الرئيسية. مجاني وبياخد دقيقتين.
سجّل دلوقتي - ٢
ادخل حسابك
بنفس الإيميل، وهيوصلك كود تكتبه.
دخول المرشدين - ٣
كمّل صفحتك
صورة شخصية واضحة، و٣ صور على الأقل من جولاتك، ونبذة عنك، والرحلات اللي بتعملها.
- ٤
نراجعها وننشرها
ويوصلك إيميل برابط صفحتك تشاركه مع زباينك وفي كل مكان.
٦شروط الصور
أي صورة مخالفة للشروط دي بتترفض:
- صور حقيقية ليك أو من جولاتك، مش منقولة من النت.
- ممنوع أي كتابة على الصورة: لا أرقام تليفون ولا أسماء ولا لوجو ولا علامة مائية ولا أسعار.
- الصورة الشخصية: وشك واضح وانت لوحدك فيها.
- صورة واضحة، مش مهزوزة ولا مقصوصة ولا عليها فلاتر كتير.
- الناس اللي في الصورة يكونوا موافقين على نشرها.
٧بصراحة
المنصة لسه جديدة وبنبنيها مع المرشدين. مش هنوعدك بعدد زباين معيّن؛ بنشتغل إن المسافرين يلاقونا على جوجل، وكل ما صفحتك تبقى كاملة بصور حقيقية وتشاركها أكتر، فرصتك تبقى أكبر.
٨شوف بنفسك
جاهز تبدأ صفحتك؟
مجاني، ودقيقتين بس، ومن غير أوراق رسمية.
اقرا شروط الاستخدام وسياسة الخصوصية كاملة، وأي سؤال تاني ابعتلنا على contact@guidemeegypt.com